УИХ-ын гишүүн асан Г.Баярсайхантай цаг үеийн асуудлаар ярилцлаа.
-Сонгууль ойртсон цаг хугацаанд улс төрийн намууд мөрийн хөтөлбөрөө боловсруулж өргөн мэдүүлэхээс эхлээд сонгуулийн бэлтгэл ажилдаа оржээ. Ардчилсан намын гишүүд сонгуульд нэр дэвших хүсэлтээ хүлээж аваад эхэлсэн байгаа юу?
-Ардчилсан нам гишүүдийн нэр дэвших саналыг хүлээж аваад эхэлсэн. Би ч бас сонгуульд нэр дэвших хүсэлтээ хүргүүлсэн. Нэр дэвшүүлэх эсэхийг намаас шийднэ. АН мөрийн хөтөлбөрөө боловсруулахдаа 21 аймгаар явж, иргэдийн санал бодлоыг тусгахаас гадна Үндэсний бодлогын зөвлөлөө хуралдуулж, гишүүдийнхээ саналыг сонссон.
-Та УИХ-ын гишүүнээр сонгогдон ажиллаж байсан хүний хувьд одоогийн парламентын үйл ажиллагаанд хэр анхаарал хандуулж байна вэ. Одоогийн улс төрийн нөхцөл байдлыг хэрхэн харж байгаа талаар саналаа хуваалцаач?
-Улс төрийн нөхцөл байдлыг ажиглахад одоогийн парламент хичээлээ муу хийж байгаад шалгалт дөхөхөөр сандраад гүйдэг “сурагчид” шиг л байна. Өнгөрсөн найман жилийн хугацаанд МАН үнэмлэхүй олонхоороо засаглалаа. Гэтэл одоо тайлангаа гаргаад тавихаар ийм бүтээн байгуулалт хийсэн гээд гаргаад танилцуулах ажил тун ховор байна. Арчилсан нам эрх барьж байх хугацаандаа цахилгаан станцуудыг хүлээлгэж өгөхөөс эхлээд бүтээн байгуулалтын олон ажил эхлүүлснийг олон нийт мэдэж байгаа байх. Үүнээс хойш МАН найман жил засаглах хугацаандаа шинээр станц барих нь байтугай цахилгаан станцуудын хүчин чадлыг ч нэмэгдүүлсэнгүй. Дээр нь улс төрийн хулгай хэрээс хэтэрсэн. Аж үйлдвэрээ дэмжих сангуудаа эрх баригч намын гишүүд нь хувааж зээл авчихаад хариуцлага тооцсон нэрээр хэдхэн гишүүдээрээ “туг тахиад” өнгөрснийг ард түмэн санаж байгаа биз.
-Үндсэний баялагийн сангийн хууль батлагдчихлаа. Ингэснээр байгалийн баялагийг тэгш хүртээх, цаашид ард түмний хяналтанд болж чадах болов уу?
-Стратегийн ордуудыг төрийн мэдэлд авахыг дэмжиж байгаа. Байгалийн баялагийг ард түмэнд тэгш хүртээх ёстой. Санаа нь зөв. Баялагийн сангийн менежментийг харин яамдуудад өгнө гэвэл түүн шиг бүтэхгүй зүйл байхгүй. Хэрэв тэгвэл ЖДҮ-ийг хөгжүүлэх сан, Боловсролын зээлийн сан шиг юм болно. Түүний оронд сайн менежент хийдэг дэлхий шилдэг экспертүүдийг урьж авч ирээд менежмент хийлгэх нь зөв.
-Аудитын байгууллагаас Засгийн газрын үйл ажиллагаанд хяналт тавиад мөрийн хөтөлбөрийн биелэлтийг 73 хувь биелэсэн гэсэн шүү дээ?
-Өнгөрсөн хугацаанд уул уурхайн баялагийн үнэ өсөж, экспортын хэмжээ нэмэгдсэн учраас эдийн засаг өсөлттэй гарч байгаа юм. Харин мөрийн хөтөлбөрийн биелэлтийг би ярихаас илүү ард түмэн ярьж, дүнгээ тавих нь илүү итгэл үнэмшилтэй. Бүгд л мэдэж байгаа шүү дээ. Харин сонгууль болгоны өмнө гаргаж тавьдаг нэг сэдэвтэй.
-С.Зориг агсны хэргийг хэлж байна уу?
-Тийм ээ. Ерөнхийлөгч асан Ц.Элбэгдорж манай намаас сонгогдож гарсан нь үнэн. Манай намын лидерүүдийн нэг. Гэхдээ сонгууль болгоны өмнө С.Зориг агсны хэргийг гаргаж ирж, харлуулдаг байдал хэрээс хэтэрсэн. Ц.Элбэгдорж, Э.Бат-Үүлийг харлууллаа гээд Ардчилсан намын нэр хүндийг унагаана гэсэн энгийн бөгөөд болхи аргатай юм шиг байгаа юм. Ийм арга явцгүй болчихсон гэдгийг ард түмэн ойлгодог болчихсон. Уг нь бол сонгууль бодлогын өрсөлдөөн байх ёстой. Эрх баригчид өнгөрсөн хугацаанд хэчнээн барилга байшин барьж, дэд бүтцийн бүтээн байгуулалт хийсэн, хэдэн мянган километр хурдны зам, хэдэн мянган төмөр зам ашиглалтад оруулсан гэдэг тайлангаа тавьж байж ард түмнээс дэмжлэг авна. Цаашлаад Монгол Улс хэдэн мянган километр хурдны галт тэрэгний зам барьсан гэж ярих цаг үе шүү дээ. Гэтэл С.Зоригийн хэргийг ярьдаг сонгуулийн циклээсээ гарч чадаагүй байна. Цаашдаа С.Зориг агсны хэргийг төрийн нууцаас гаргах хэрэгтэй. Бүх зүйлийг нь ил тод болгоод захиалагчийг нь зарлах хэрэгтэй шүү дээ.
Захиалагч нь эрх баригч нарын дунд байгаа гэж би харддаг. Үнэхээр Ц.Элбэгдорж зэрэг АН-ын гишүүд хэрэгт холбоотой бол үүнийг аль эрт илчилчих байсан биз.
-С.Зориг агсны хөшөөний газрыг зарсан асуудал ил болсон. Ардчилсан нам үнэт зүйлсээ алдаж байгаа юм биш үү?
-Хөшөөг байгаа газарт нь байлгах л хэрэгтэй. Ардчилсан намын дарга болон гишүүд дэмжигчид ч ийм бодолтой байгаа байх. Одоо бол Ардчилсан намын амин чухал асуудал нь өөр асуудал болоод байна.
-Тэр нь юу юм бэ. Сонгуульд ялах уу?
Миний харж байгаагаар манай намын удирдлагууд одоогийн эрх баригч МАН-ыг авлига хулгайчдын нам гэдгийг зарлах зоригтой байх ёстой. Ингээд улс төрийн рейтингээрээ тэргүүлж, манлайлах цаг хугацаа ирчихсэн байна. Гэтэл санасанд хүртэл хангалттай сайн байж чадахгүй байна. ра
-Ардчилсан нам сонгуулиас хойших хугацаанд тамга тэмдэгний маргаантай явж ирсэн. Намын даргатай болсноос хойш гишүүд нь бодлогын асуудал дээр санал бодлоо илэрхийлэхэд хэр нээлттэй байж чадаж байна вэ?
-Ардчилсан нам өөрсдөө л унасан. Өнгөрсөн хугацаанд манай намыг төлөөлж суусан гишүүд авлига, албан тушаалын хэрэгт дэндүү их орооцолдсон нь үнэн. Тиймээс ирэх сонгуульд элдэв асуудалд орооцолдсон улстөрчдөө дахин дэвшүүлэхгүй байх хэрэгтэй.
-Ардчилсан нам фракцын “зодоон”-оо дийлэхгүй хэдэн хэсэг болчихсон юм биш үү?
-Дотроо олон фракцтай байх нь эрүүл үзэгдэл. Оюун санааны үзэл байхгүй юү. Гэтэл зарим мөнгөтэй нөхдүүд нь фракцуудаа “худалдаж” аваад, “цүнх” барьдаг хэдэн нөхдөө явуулаад булингартуулаад байгаа асуудал бий.
-Ардчилсан намын фракцын үзэл хандлага яг эрүүлээр хөгжиж чадаж байгаа юу?
-Нэг талаараа ингэж мэтгэлцэж маргаад байна гэдэг чинь харьцангуй эрүүл тогтолцоо. Эрх баригч намынхан босоо тогтолцоотой нэг хүний удирдлагаар явж байгаа гэсэн үг. Бид ямартай ч Л.Гантөмөрийг Улсын дээд шүүхээр намын даргаар батлуулсан. Хэдийгээр нам фракцуудын ашиг сонирхлын огтлолцлын цэг дээр байгаа. Л.Гантөмөрт Ц.Элбэгдорж байна уу, Х.Баттулга хэн нь ч нөлөөлж чадахгүй.
-Цаг гарган ярилцсанд баярлалаа.
-Баярлалаа.
Г.БАЯРСАЙХАН: Ерөнхийлөгч асан Ц.Элбэгдорж, Х.Баттулга нар залуу үедээ зайгаа тавьж өгөх цаг нь болсон |
|
2024-05-05 16:13:43
2024-05-05 13:57:19
2024-05-05 13:56:38
2024-05-05 09:30:00
2024-05-05 07:45:40
2024-05-05 07:00:48
2024-05-05 07:00:00
2024-05-05 07:00:00
2024-05-05 07:00:00
2024-05-04 16:16:20
2024-05-04 16:12:26
2024-05-04 12:58:02
2024-05-04 12:53:30
2024-05-04 12:38:24
2024-05-04 12:33:04
2024-05-04 12:22:11
2024-05-04 11:19:57
2024-05-04 11:15:31
2024-05-04 07:00:00
2024-05-04 07:00:00
2024-05-04 07:00:00
2024-05-04 07:00:00
2024-05-04 07:00:00
2024-05-04 07:00:00
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
7509-1188 |