Дархан-Уул аймгийн Онцгой комиссоос мэдээлэл хийлээ. Энэ үеэр Аймгийн Засаг дарга Б.Азжаргал “Өчигдөр коронавирусийн халдвартай таван иргэнээ тусгаарлаж, өнөөдөр Шарын голоос батлагдсан хоёр иргэнийг зөөвөрлөн, тусгаарлаж байна. Эдгээр долоон иргэнийг 20 ортой халдвартын тасагт тусгаарлаж эмчлэх ажил үргэлжилнэ. Коронавирусийн халдвартай иргэдээ Улаанбаатар хот руу шилжүүлэх хэрэггүй. Аймагтаа эмчлэх бүрэн боломжтой” гэлээ.