Өвөрхангай аймагт коронавирусийн халдвар илэрсэн гэх мэдээлэл гарсан. Энэ талаар Өвөрхангай аймгийн хэвлэл мэдээллийн ажилтан Н.Гуамаралаас тодрууллаа. Тэрбээр “Улаанбаатар хотоос Өвөрхангай аймагт энэ сарын 6-ны өдөр ирж, хоёр хоноод буцсан иргэнээс 9-ны өдөр шинжилгээ авахад коронавирусийн халдвартай гарсан. Тус иргэн “Анна каренина” жүжигт тоглосон жүжигчний хавьтал юм билээ. Тус иргэний зочилсон айлын иргэдийг тусгаарлах байранд тусгаарлаж, шинжилгээний сорьцийг Улаанбаатар хот руу явуулахаар ажиллаж байна. Мөн хот хоорондын хөдөлгөөнийг маргааш өглөөнөөс хязгаарлана” гэлээ.