Эрүүл мэндийн яамнаас коронавирусийн тархалтын талаар ээлжит мэдээлэл хийлээ. Энэ үеэр Тандалт, судалгааны албаны дарга Ж.Байгалмаа “Өнгөрсөн 24 цагийн хугацаанд 19507 хүний сорьцод шинжилгээ хийхэд 44 хүнээс коронавирус илэрлээ. Шинээр илэрсэн тохиолдлуудын хоёр нь Завхан аймагт бүртгэгдсэн. Үлдсэн нь Улаанбаатар хотод бүртгэгдсэн.

Ингэснээр Монгол Улсын хэмжээнд коронавируст халдвар авсан 3076 хүн бүртгэгдлээ. Өнгөрсөн 24 цагийн хугацаанд 55 хүн эдгэрч, эмнэлгээс гарснаар нийт эдгэрсэн хүний тоо 2415 болсон. Энэ нь нийт бүртгэгдсэн тохиолдлын 78.5 хувийг эзэлж байна.

Одоогоор 657 хүн эмчлэгдэж байгаа. Үүнд:

• Хөнгөн-591
• Хүндэвтэр-57
• Хүнд-Долоо
• Маш хүнд-Хоёр хүн байна" хэмээн мэдээллээ.