Эрүүл мэндийн яамнаас коронавирусийн тархалтын талаар мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 26058 хүнээс шинжилгээ авахад 32 халдвар илэрлээ. Үүнээс “Нэг хаалга-Нэг шинжилгээ”-гээр есөн хүнээс халдвар илэрсэн. Өнөөдрийн байдлаар улсын хэмжээнд  коронавирусийн халдвартай 2755 хүн бүртгэгдсэн. ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэг, Улсын нэгдүгээр төв эмнэлэгт нийт 670 коронавирусийн халдвартай иргэдийг эмчилж байна. Биеийн байдал маш хүнд нэг, хүнд долоо, хүндэвтэр 69, хөнгөн 593 хүн байна. ХӨСҮТ-д 186,  Цэргийн төв эмнэлэгт 187 хүн эмчлүүлж байгаагаас хүнд нэг бий. Хан-Уул дүүргийн 300 ортой эмнэлэгт 291 хүн эмчлүүлж байна" гэлээ.