Коронавирусийн  тархалт болон “Нэг хаалга-Нэг шинжилгээ” аяны явцын талаар ээлжит мэдээлэл хийлээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд  44018 хүний сорьцод шинжилгээ хийхэд 52 хүнээс коронавирус илэрлээ. Үүнээс 24 нь “Нэг хаалга-Нэг шинжилгээ”-гээр бүртгэгдлээ. Эдгээр  24 тохиолдлын 15 нь анхны шинжилгээгээр, ес нь ойрын хавьтлаас илэрсэн. Ингэснээр Монгол Улсын хэмжээнд бүртгэгдсэн коронавируст халдварын тохиолдол 2638 боллоо” гэв.