Улаанбаатар хотоос иргэдээ татан авах үйл ажиллагааг аймгууд энэ сарын 19-нөөс зохион байгуулж эхэлсэн. Энэ хүрээнд Увс аймгийн удирдлагууд Улсын Онцгой комисстой хамтран иргэдээ авсан байна. Тэгвэл өчигдөр Увсын Зүүнхангай суманд очсон иргэнээс түргэвчилсэн оношлуураар коронавирусийн халдвар илэрсэн хэмээн мэдээлсэн. Тухайн үед PCR шинжилгээ авч, Ховд аймгийн лаборатори руу шилжүүлсэн байна. Харин өнөөдөр шинжилгээний хариу нь сөрөг гарчээ.