ЭМЯ-наас коронавирусийн тархалтын талаарх ээлжит мэдээлэл хийлээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 12848 сорьцод шинжилгээ хийхэд 16 хүнд халдвар илэрсэн. Баянзүрх дүүргийн II хорооны есөн иргэнээс халдвар илэрсэн. Голомтын тандалт үргэлжилж байна. Үлдсэн нь өмнө бүртгэгдсэн халдварын голомтын ойрын болон дам хавьтлаас илэрлээ. Улаанбаатар хотод 798 тохилдол бүртгэгдсэн. Сүүлийн 24 цагийн хугацаанд 24 хүн эдгэрсэн” гэв.