Баянгол дүүргийн Эрүүл мэндийн төвийн дарга З.Балдандугар Эрүүл мэндийн яамны 11:00 цагийн мэдээллийн дараа дүүргийнхээ хэсэгчилсэн хөл хорионы талаар танилцууллаа. Тэрбээр “Баянгол дүүргийн IV хорооны 17 байрны 2400 гаруй иргэнийг шинжилгээнд хамруулсан. Шинжилгээний хариу хараахан гараагүй байна. Тусгаарлагдсан хэсгүүдэд өнгөрсөн хугацаанд 16 батлагдсан тохиолдол илэрсэн. Тиймээс энэ долоо хоногт хэсэгчилсэн хөл хорио тогтоож, иргэдээс шинжилгээ авсан. Баянгол дүүргийн IV хорооны 17 байрны дунд 48 цагийн хугацаанд хэсэгчлэн хөл хорио тогтоосон” гэлээ.