• Өнөөдөр 2021-03-03

Аварга Э.ОЮУНБОЛД: Намайг сайлсан, муулсан бүхэн бурхны шүүлтэд орох байх аа

2021-02-27,   2801

-Өнгөрсөн хоёр жилийн хугацаанд ажлаа хийхийн зэрэгцээ бэлтгэлээ таслахгүй байхыг хичээсэн-

       Улсын аварга Э.Оюунболд, заан М.Бадарч, харцага О.Хангай, Д.Анар нар тойргоор 15 сая төгрөгийн бооцоотой, халз барилдахаар болсон. Одоогоор халз барилдааныг хаана, хэзээ зохион байгуулах нь тодорхойгүй байгаа бөгөөд зохион байгуулагч "Халз барилдаанд түрүүлсэн бөх шагнал болох 15 сая төгрөгийн бооцооноос тодорхой хувийг нь сайн үйлсэд зориулна" хэмээсэн билээ. Жүдо, өвөрмонгол, үндэсний бөх гэсэн гурван төрлөөр зохион байгуулах халз барилдааны талаар болон өөр зарим зүйлийг Монгол Улсын аварга Э.Оюунболдоос тодрууллаа.

-Анх хэрхэн 15 сая төгрөгийн бооцоотой халз барилдаанд оролцох шийдвэр гаргав?

-Надад “Ийм халз барилдаан зохион байгуулах гэж байна. Чи барилдах уу” гэсэн санал тавихаар нь барилдъя л гэсэн. Уг нь анх М.Бадарч заан бид хоёр барилдах ёстой байсан юм. Харин дараа нь харцага Д.Анар, О.Хангай хоёр саналаараа орж ирсэн юм шиг байна лээ.

-М.Бадарч, Д.Анар, О.Хангай нар "Э.Оюунболд аваргатай тулж барилдаж үзье, мэдэрье" гэсэн байна лээ. Та энэ талаар сонссон уу?

-Урьд нь барилдаж л байсан нэг үеийн залуус барилдахаар боллоо. Надтай удаан хугацаанд барилдаагүй болохоор нэг барилдаж үзмээр санагдсан юм байлгүй дээ.

-Та үндэсний бөхийн дэвжээн дээрээ гаралгүй хоёр жил болсон байна. Өнгөрсөн хоёр жилийн хугацаанд юу хийж байв?

-Хувийн ажлаа хийгээд хажуугаар нь бэлтгэлээ ч таслахгүй байхыг хичээж, ер нь бэлтгэлээ л сайн хийж байлаа даа.

-Анх улсын заан М.Бадарч та хоёр барилдах ёстой байсан юм билээ. Харин улсын харцага О.Хангай, Д.Анар хоёр ямар учраас барилдахаар болов. Та энэ бөхчүүдтэй холбоотой байдаг уу?

-Би энэ халз барилдааныг зохион байгуулж байгаа биш шүү дээ. Ямар учраас биднийг барилдуулах гээд байгаа, харцага Д.Анар, О.Хангай хоёр яагаад барилдахаар болсныг сайн мэдэхгүй л байна. Хөл хорио, цар тахал гээд олон нийт үзэж харах юмгүй хэцүү л байгаа байх. Харин энэ үеэр монголчууддаа эерэг зүйл түгээхийн тулд барилдаан зохион байгуулж байгаа гэж бодож байна.

Үндэсний бөх бол миний амьдрал

-Халз барилдах гурван бөхөөсөө "Энэ ч бэлтгэл сайтай байгаа даа" гэж бодох ч юм уу, эсвэл эмээж байгаа хүн бий юү?

-Адилхан л ид барилдаж байгаа нэгэн үеийн залуус. Цолоор бол би тэднээс илүү. Цар тахал, хөл хорио гээд л бид бүгдээрээ олон нийтийн газар бэлтгэл хийх боломжгүй, гэрээрээ бэлтгэлтэй байгаагаараа адилхан байгаа болов уу. Харин халз барилдаан дээр хэн нь сайн байхыг хэлж мэдэхгүй юм. Барилдаан болох өдрийг л харж байя даа.

-Хэдий үзэгчдэд эерэг зүйлс түгээе гэж байгаа ч цар тахлын үед барилдаан зохион байгуулах нь хэр оновчтой вэ?

-Монголын ард түмний дуртай, өнө эртний энэ том өв соёлыг түмэнд түгээхийн төлөө энэхүү халз барилдаанд оролцож, цар тахлын үеийн монголчуудын оюун санааны дархлааг сэргээе гэж бодсон. Зөвхөн оюун санааны дархлаа төдийгүй нийгэмдээ эерэг орчин бүтээе гэж зорьж байгаа.

-Таныг дахин барилдах болсонд баярласнаасаа илүү дургүйцсэн хүмүүс олон байх шиг. Энэ талаар ямар бодолтой байгаа вэ?

-Намайг сайлсан, муулсан бүхэн хэзээ нэг өдөр бурхны шүүлтэд орох байх аа гэж боддог юм. Харин надад бол тэр хүмүүсийн намайг сайлж, муулж байгаа нь хамаагүй. Үндэсний бөх бол миний амьдрал. Өөрийн явж буй замаа дуустал нь үзэж, туулна. Би үндэсний бөхөд 14 настайгаасаа л амьдралаа зориулж байна. Түүнээс хойш өнөөг хүртэл тасралтгүй бэлтгэл сургуулилалт хийж, үндэсний бөхийн спортод хамаг амьдралаа зориулсан. Амьдрал минь бөхтэй салшгүй холбоотой. Намайг ухаан ороход аав минь барилдаж л байсан. Түүнээс хойш аавыгаа залгамжлаад би ч барилдаж байна. Энэ том өв соёлоо авч үлдэж, үндэсний бөхөөрөө цаашид хүрч чадах хүртлээ л явна.

Халз барилдааны талаарх дэлгэрэнгүй ярилцлагыг эндээс уншаарай


Аварга Э.ОЮУНБОЛД: Намайг сайлсан, муулсан бүхэн бурхны шүүлтэд орох байх аа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 18
  • Сэтггэгдэл үлдээсэн: 2021-02-28 15:24:07
    иргэн: сэргээш хэргэлдэг монгол соёл гэж байгаагүй юмдаа дүү минь үндэсний спортоо гутаачихаад хуцаад байхсайхан юм бишээ
  • Сэтггэгдэл үлдээсэн: 2021-02-27 23:39:23
    Зочин: Архи уудгаа зогсоосон уу залуу минь, чамайг архинд нугасгүй гэж сонссон доо
  • Сэтггэгдэл үлдээсэн: 2021-02-27 23:03:15
    zochin : yhsen atsnii avraga bhav de ichij amidar
  • Сэтггэгдэл үлдээсэн: 2021-02-27 20:12:57
    зочин: ИХ АВАРГА БАГШИЙН ХАА ҮГ СУРГААЛИЙГ ДАГААД, ДААГААД ЯВБАЛ Ч ЧАМД МАШ САЙХАН ИРЭЭДҮЙ БИЙДЭЭ, ЭС ТЭГВЭЛ ЧИ ХЭНЧ БИШ БОЛНО ШҮҮ ХҮҮ МИНЬ ЭЭ
  • Сэтггэгдэл үлдээсэн: 2021-02-27 16:46:10
    zochin: Neg udur bayrlah, myangan udur hun turulhtund unetei hundeftei bhiig bodoh . Burhanii umnu shuuhdehiig medeh uu.Tursun zayag muuhai bolgoj bolohui jinhene burhan uurlah bh.
  • Сэтггэгдэл үлдээсэн: 2021-02-27 15:55:32
    Нэр: Нүдний булай
  • Сэтггэгдэл үлдээсэн: 2021-02-27 13:42:13
    panda: hunii mongo og panda
  • Сэтггэгдэл үлдээсэн: 2021-02-26 21:11:22
    Б: Баттулга ерөнхийлөгчийн сонгуулиа бодоод бөөрөнхийлөөд шударга шийдвэр гаргахгүй байгаа нь монголчуудыг хагаралдах хэрэлдэхэд хүрээд байна.
  • Сэтггэгдэл үлдээсэн: 2021-02-24 21:53:03
    Чинзо: Мундаг аварга шүү амжилт 100жилдээ түрүүлэж дархан аварга болохыг ерөөе амжилт олны хэл ам хазгай тусаг
  • Сэтггэгдэл үлдээсэн: 2021-02-24 17:37:11
    Зочин: Хавчлага, хэлмэгдэлд өртөж яваа залуу л гэж өрөвдөж явдаг юм. Амжилт хүсьe. Тэвчээртэй байгаарай. Тэвчээр алдвал Хадаа аварга энэ тэр шиг золигт гарна шүү. Ёстой бурхан шүүгээд өгнө гээд бодоод, тогтмол бэлтгэлтэй бай даа.
  • Сэтггэгдэл үлдээсэн: 2021-02-24 16:53:45
    Анхаа: Зөв бичимээр байна шүү манайхан
  • Сэтггэгдэл үлдээсэн: 2021-02-24 13:21:12
    Ааяа: Яасан ч нэр алдарт дуртай ойрхон бодолтой давчуу дотортой амьтан бэ .Баригдсан хэрнээ минчийтэл улайчихаад гүрийнэ.Нэг л их том юм алдчих гээд байгаа юм шиг нэг юмнаас зууралдаад амь тэмцээд яасан ч хэцүү юм дээ хөөрхий.Энэ хүний өрөвдөлтэй байдлыг харвал тэр цолыг нь өгөөд явуулчихмаар юм шиг,шудрага ёсыг бодвол үг дуугүй хураачихмаар ч юм шиг.
  • Сэтггэгдэл үлдээсэн: 2021-02-23 23:03:10
    Dawaanym battulga: Amjilt awarag mini vnen hezee ch ylna
  • Сэтггэгдэл үлдээсэн: 2021-02-23 19:08:48
    Батаа : Ёстой доо шийдвэр нь гарахаар Арслан гэж яривал зохилтой
  • Сэтггэгдэл үлдээсэн: 2021-02-23 18:57:35
    Дэмжигч: Амжилт хүсэе
  • Сэтггэгдэл үлдээсэн: 2021-02-23 18:09:52
    монгол хүн: аварга минь амжилт хүсье
  • Сэтггэгдэл үлдээсэн: 2021-02-23 16:03:43
    бөх срнирхогч: ДОПИНГОО АВАРГА БОЛГОЧИХ ЮМАА ШИЙД НЬ ГАРХААР АВАРГА ГЭЖ ЯЧРИЛДАА
  • Сэтггэгдэл үлдээсэн: 2021-02-23 16:03:42
    бөх срнирхогч: ДОПИНГОО АВАРГА БОЛГОЧИХ ЮМАА ШИЙД НЬ ГАРХААР АВАРГА ГЭЖ ЯЧРИЛДАА
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414