Эрүүл мэндийн яамнаас коронавирусийн нөхцөл байдлын талаар ээлжит мэдээллээ хийлээ. Өнгөрсөн 24 цагийн хугацаанд 7791 хүний сорьцод шинжилгээ хийхэд 349 хүнээс коронавирусийн халдвар илэрлээ. Ингэснээр улсын хэмжээнд бүртгэгдсэн нийт халдварын тохиолдол 49524 боллоо.

Мөн энэ хугацаанд 877 хүн эдгэрсэн бол долоон хүн нас баржээ. Өнөөдрийн байдлаар 42721 хүн коронавирусийн халдвар аваад эдгэрсэн бол 221 хүн уг өвчний хүндрэлийн улмаас эндээд байгаа юм.