АНУ-ын Охайо мужийн эрх баригчид иргэдээ дархлаажуулалтад идэвхтэй хамруулах үүднээс ирэх таван долоо хоногт таван иргэнийг нэг сая ам.доллароор шагнах шийдвэр гаргажээ. Долоо хоногт нэг азтан тодруулах бөгөөд сугалааны мөнгийг коронавирусийн эсрэг сангаас гаргана гэж мэдэгджээ.

Мөн дархлаажуулалтад өсвөр насныхныг хамруулах үүднээс 12-17 насны вакцин хийлгэсэн хүүхдүүдийн дунд их сургуулийн дөрвөн жилийн хөтөлбөр болон бусад зардлыг нь мужаас олгох урамшуулал зарласан байна.