Архангай аймагт сүүлийн 24 цагт 239 сорьцод PCR шинжилгээ хийснээс эерэг гарсан тохиолдол бүртгэгдээгүй. Аймгийн хэмжээнд коронавирусийн батлагдсан тохиолдлын тоо 313 хэвээр байна.

Нийт батлагдсан тохиолдлын 304 нь буюу 97,1 хувь нь бүрэн эдгэрч, есөн иргэн аймгийн нэгдсэн эмнэлэгт эмчлүүлж байна. Аймгийн нэгдсэн эмнэлгийн тусгай эмнэлгээс бусад газар дэлгэсэн ор бүрэн чөлөөлөгдсөн. Тусгаарлах байранд 21,  гэрийн тусгаарлалтад 355 иргэн тус тус байна.