Энэтхэг Улсад коронавирусийн халдвар эрчимжиж, нэг өдөрт бүртгэгдэх халдварын тоо 300 мянга даваад буй. Тэгвэл мэргэжилтнүүд тус улсад коронавирусийн халдвар улам ихсэх магадлалтай хэмээлээ. Тус улсад эмнэлгийн тусламж, ор хүрэлцээгүй болж, шарил хадгалах газар дүүрээд байна. Мөн машиндаа болон гэртээ эмнэлгийн тусламж хүлээн нас барах хүмүүсийн тоо ихэссээр байгаа аж.

Энэтхэг Улсад өнгөрсөн 24 цагийн дотор 382385 хүнээс халдвар илэрч, 3780 хүн нас барсан байна. Цар тахал гарснаас хойш тус улсад нэг өдөрт бүртгэгдэх халдварын хамгийн өндөр тоо өнөөдөр бүртгэгджээ.