ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийж байна.

Өнгөрсөн 24 цагийн хугацаанд 10573 хүнээс шинжилгээ авахад 1098 гарч, найман хүн нас барсан байна. Улмаар Монгол Улсад коронавирусийн халдвар авсан нийт хүний тоо 32437 болж, 88 нас баралт бүртгээд байгаа юм.

Шинээр коронавирусийн халдвар нь илэрсэн 1098 хүний 957 нь Улаанбаатар хотод, 135 нь орон нутагт илэрчээ.

Сүүлийн 24 цагт шинээр 733 хүн эдгэрч, эмнэлгээс гарч, Монгол Улсад нийт 17543 хүн эдгэрсэн байна. Харин 4427 хүн хэвтэн эмчлүүлж байгаагаас хөнгөн 2557, хүндэвтэр 1447, хүнд 343, маш хүнд оноштой 80 хүн байгаа юм. Мөн өнөөдрийн байдлаар нийт 5749 хүн гэрийн хяналтад эмчлүүлж байгаа талаар ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр мэдээллээ.