УОК-ын хуралдаанаас гаргасан шийдвэрийг танилцуулж байна. Энэ үеэр УОК-ын хэвлэлийн төлөөлөгч Ц.Ганзориг “Маргаашаас эхлэн 120 цэгт 55-аас дээш насны эрсдэлт бүлгийн иргэдийг дархлаажуулалтын хоёрдугаар тунд хамруулж эхэлнэ. Өдөрт 60 мянган тун дархлаажуулалт хийхээр төлөвлөж байна. Мөн маргааш явуулын 40 автобус ажиллана. Иймд иргэд хувийн унаа, нийтийн тээвэр ашиглах шаардлагагүй. Өөрт ойрхон хороо, дүүрэг дээрээ явганаар очиж дархлаажуулалтад хамрагдах боломжтой. Дархлаажуулалтад хамрагдах иргэдэд хороо дүүргээс нь мэдээлэл хүргэнэ” гэлээ.