Коронавирусийн тархалтын талаарх ээлжит мэдээллийн үеэр ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр "Өнөөдрийн байдлаар 400 гаруй эмч, эмнэлгийн ажилтан Коронавирусийн халдвараар өвчилсөн. Тэдгээр алба хаагчдын зарим нь эдгэрсэн хэдий ч биеийн байдал нь хүнд байгаа олон хүн бий. Иймд иргэд та бүхэн халдвараас урьдчилан сэргийлж хөл хорионы дэглэмийг сайтар баримтлах хэрэгтэй. Халдварын тархалт нэмэгдэж байгаа энэ үед нэмэлтээр ор гаргах боломжтой ч эмнэлгийн байгууллагын хүний нөөц дутагдалд орох эрсдэлтэй байна” гэлээ.