Эрүүл мэндийн яамнаас  коронавирусийн нөхцөл байдлын талаарх ээлжит мэдээллээ өгсөн. Сүүлийн 24 цагт коронвирусийн 1107 шинэ тохиолдол бүртгэгдэж, зургаан иргэн  нас барсан. Харин өнгөрсөн 24 цагийн хугацаанд 406 иргэн бүрэн эдгэрч эмнэлгээс гарсан бол 3025 иргэн Цэргийн төв эмнэлэг, Хан-Уул дүүргийн 300 ортой эмнэлэг, ХӨСҮТ-д хэвтэн эмчлүүлж байна. Хэвтэн эмчлүүлж байгаа иргэдээс биеийн байдал маш хүнд 53 иргэн байгаа аж. Мөн 723 иргэний биеийн байдал хүндэвтэр, 201 иргэний биеийн байдал хүнд байна.