Хөвсгөл аймгийн хэмжээнд БНХАУ-ын Синофарм эмийн үйлдвэрийн вероселл вакцин 5788 тун хуваарилагдан ирж 23 сум, аймгийн төвд нийт 29 цэгээр дамжуулан 5651 хүнийг хамруулсан. Тус аймагт дархлаажуулалт 97.6 хувьтай байна.

Эхний ээлжинд эрүүл мэндийн байгууллагын ажилтнууд, цагдаа, мэргэжлийн хяналт, онцгой байдал зэрэг эрсдэлт нөхцөлд ажиллаж байгаа байгууллагын алба хаагчдад хийж байна. Дархлаажуулах ажлыг Мөрөн сумын таван  цэгт, тодруулбал Эрдмийн далай цогцолбор сургууль, Титэм, Аваргууд, Ирээдүй, Гурван-Эрдэнэ сургуулийн зааланд  хийсэн  байна.  Харин орон нутагт сумын Эрүүл мэндийн төвөөр дамжуулан хийжээ.