ЭМЯ-наас цаг үеийн нөхцөл байдлын талаар мэдээлэл хийж байна.

Өнгөрсөн 24 цагийн хугацаанд 1220 хүнээс коронавирусийн халдвар илэрч, Монгол Улсад коронавирусийн халдвар авсан хүний нийт тоо 17823 болов. Мөн сүүлийн 24 цагийн хугацаанд хоёр хүн нас барж, нийт 29 нас баралт бүртгэгдээд байна.

Шинээр халдвартай нь илэрсэн 1220 хүний 1094 нь Улаанбаатар хотод, 114 нь орон нутагт, 10 нь тусгай үүргийн нислэгээр зөөвөрлөгдөж ирсэн, мөн эмнэлгээс шалтгаалсан хоёр халдварын тохиолдол бүртгэгджээ.

Сүүлийн 24 цагийн хугацаанд 366 хүн эдгэрч, Монгол Улсад нийт 10253 хүн эдгэрсэн. Харин улсын хэмжээнд эмчлүүлж байгаа нийт 2804 нь байгаа бөгөөд  хөнгөн 1974, хүндэвтэр 652, хүнд 138, маш хүнд 40 хүн байгаа юм. Мөн хөнгөн хэлбэрийн шинж тэмдэгтэй 3568 хүн гэрээрээ эмчлүүлж байгаа талаар ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр мэдээллээ.