Тод манлай уяач Д.Даваахүү хулгайн замаар зорчиж, орон нутагт очжээ. Тэрбээр дөрөвдүгээр сарын 09-ний өдөр Хэнтий аймагт халдвар батлагдсан тохиолдлын нэгдүгээр хавьтал болсныхоо дараа баталгаат бус замаар зорчин Цагаан-овоо сумын Батхаан багт очсон байна. Улмаар отроор хаваржиж буй 2-3 малчин өрхөөр оржээ.
Ингэхдээ тэрбээр "Хангарьд" дэлгүүр, авто засвар, Шунхлай ШТС, үсчин, зэрэг газраар үйлчлүүлсэн байна гэж Хөлөнбуйр сумын Засаг даргын Тамгын газраас мэдээлжээ.
Түүнээс түргэвчилсэн оношлуураар шинжилгээ авахад эерэг гарч, аймгийн халдварын тасаг руу тусгаарлалтад шилжүүлээд байгаа гэнэ.
Иймд Хөлөнбуйр сумын хэмжээнд хавьтлыг илрүүлэх ажил явагдаж байгаа учир өнөө өглөөний 05:00 цагийн сумын Онцгой комиссын хуралдааны шийдвэрээр дөрөвдүгээр сарын 11-нээс 18-ны өглөөний 06:00 цаг хүртэл долоо хоногийн хугацаанд сумын хэмжээнд тэг зогсолт хийхээр болжээ.
Тод манлай уяач Д.Даваахүү хулгайн замаар зорчиж, орон нутагт очсоны дараа хариу нь эерэг гарчээ |
|