УОК-оос дархлаажуулалтын ажлыг түр зогсоосонтой холбоотой асуудлаар мэдээлэл өгч байна.

Шадар сайд С.Амарсайхан 600 мянган тун вакцины татан авалт хойшилсон талаар мэдээлсэн. Тэгвэл хоёр дахь тунг хийлгэх талаар Эрүүл мэндийн сайд С.Энхболд "Манайх вакцин үйлдвэрлэгч орон биш. Вакцины тээвэрлэлт хойшилж байгааатай холбоотой бид "Синофарм" үйлдвэрийн вакцины албан ёсны мэдээллийн авсан. "Синофарм" үйлдвэрийн  вакцины давтан тунг 21-56 хоногт хийхэд дархлалын тогтоц дээр өөрчлөлт гарахгүй гэж байгаа. Эрүүл мэндийн яам, ХӨСҮТ, эрдэмтдийн зөвлөлөөс дөрвөн удаа хөл хорио тогтоох санал өгсөн. Гуравдугаар сарын 25-наас хойш нас баралтын тоо нэмэгдэж байна. Тиймээс бид хөл хорио тогтоогоод буй. Бид дөрөв, тавдугаар сард нийслэлийн иргэдээ вакцинжуулах төлөвлөгөө гаргасан.