ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийж байна.

Өнгөрсөн 24 цагийн хугацаанд 11116 хүний ПСР шинжилгээний сорьцод шинжилгээ хийснээс шинээр 554 хүнээс коронавирусийн халдвар илэрчээ. Улмаар Монгол Улсад коронавирусийн халдвар авсан нийт хүний тоо 12780 болов. Мөн нэг хүн барж, Монгол Улсад коронавирусийн халдвараар 18 хүн нас бараад байгаа юм.

Шинээр коронавирусийн халдвар нь илэрсэн 554 хүний 451 нь Улаанбаатар хотод, 102 орон нутагт, нэг нь тусгай үүргийн нислэгээр зөөвөрлөгдөн иржээ.

Сүүлийн 24 цагт 372 хүн эдгэрч, эмнэлгээс гарсан. Улмаар Монгол Улсад нийт 8140 хүн эдгээр байна. Мөн одоогоор нийт 2637 хүн эмчлүүлж байгаа бөгөөд үүний 2176 нь хөнгөн, 373 нь хүндэвтэр, 74 нь хүнд, 14 нь маш хүнд байгаа талаар ЭМЯ-наас мэдээллээ.