ЭМЯ-ны ээлжит хэвлэлийн хурлын үеэр ХӨСҮТ-ийн Халдварт өвчний тандалт судалгааны албаны дарга Ж.Байгалмаа эрүүл мэндийн байгууллага, ажилтнуудтай холбоотой коронавирусийн халдварын талаар мэдээлэл өглөө. Тэрбээр

“Эрүүл мэндийн 49 байгууллагатай холбоотой коронавирусийн халдвар гарсан. Үүнээс гуравдугаар сарын 28-ны байдлаар 326 эрүүл мэндийн ажилтан коронавирусээр халдварласан. Энэ Монгол Улсад нийт халдвар авсан хүний 4.6 хувь. Энэ сарын 22-ноос хойш эрүүл мэндийн улс, хувийн хэвшлийн 16 байгууллагад коронавирусийн халдвар бүртгэгдэж, 32 эрүүл мэндийн ажилтан коронавирусийн батлагдсан тохиолдол болсон. Нийт эрүүл мэндийн ажилтнууд коронавирусийн халдварласны 70 хувь нь ажил үүргээ гүйцэтгэж байхдаа авсан бол үлдсэн 30 хувь нь нийгэм дундаас авсан байна” гэсэн юм.

Мөн өнгөрсөн 24 цагийн хугацаанд 10652 хүн PCR шинжилгээ хийснээс шинээр 377 хүнээс коронавирусийн халдвар илэрч, Монгол Улсад бүртгэгдсэн нийт коронавирусийн өвчилсөн хүний тоо 8447 болсон.