ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийж байна.

Өчигдөр буюу гуравдугаар сарын 30-ны байдлаар Улаанбаатар хот, Төв, Орхон, Өмнөговь, Дорноговь, Дархан аймгуудад нийт 39 дархлаажуулалтын цэгт 100 орчим баг ажиллаж, 9437 хүнийг дархлаажуулалтад хамруулсан байна. Улмаар улсын хэмжээнд нийт 300 мянга гаруй хүнийг хамруулаад байгаа бөгөөд зорилтот бүлгийн нийт 1.9 сая хүний 15.2 хувьтай тэнцэх иргэдээ дархлаажуулаад байгаа юм.

Мөн өнгөрсөн 24 цагийн хугацаанд 10652 хүн PCR шинжилгээ хийснээс шинээр 377 хүнээс коронавирусийн халдвар илэрч, Монгол Улсад бүртгэгдсэн нийт коронавирусийн өвчилсөн хүний тоо 8447 болсон.