ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийж байна.

Өнгөрсөн 24 цагийн хугацаанд 10652 хүн PCR шинжилгээ хийснээс шинээр 377 хүнээс коронавирусийн халдвар илэрч, Монгол Улсад бүртгэгдсэн нийт коронавирусийн өвчилсөн хүний тоо 8447 боллоо.

Сүүлийн 24 цагт коронавирусийн халдвар авсан 377 хүний 328 нь Улаанбаатар хотод, дөрөв нь Сэлэнгэ аймагт, 16 нь Дархан аймагт, долоо нь Архангай аймагт, тав Хөвсгөл аймагт, тав нь Төв аймагт, нэг нь Увс аймагт, зургаа нь Өвөрхангай аймагт, нэг Ховд аймагт, дөрөв нь Булган аймагт илэрч, орон нутагт нийт 910 хүн коронавирусээр өвчлөөд байна.

Мөн 95 хүн эдгэрч, эмнэлгээс гарч, Монгол Улсад нийт эдгэрсэн хүний тоо 4920 болсон. Харин нийт 1902 хүн хэвтэн эмчлүүлж байгаагаас хөнгөн 1637, хүндэвтэр 219, хүнд 34, маш хүнд 12 байгаа юм.