Эрүүл мэндийн яамнаас коронавирусийн нөхцөл байдлын талаарх ээлжит мэдээллээ хийлээ. Өнгөрсөн 24 цагийн хугацаанд 18 лабораторид 9520 хүнд шинжилгээ хийснээс шинээр 170 хүнд халдвар илэрч, нийт батлагдсан тохиолдол 4976 боллоо.

Харин 126 хүн эдгэрч, эдгэрсэн хүний тоо 3477 болсон байна. Шинээр батлагдсан тохиолдлын 168 нь нийслэлд хоёр нь Төв аймагт бүртгэгджээ. Мөн эдгээр хүний 160 нь халдвар илэрсэн хүний ойрын хавьтал бөгөөд 10 нь эх үүсвэр нь тодорхойгүй байгаа аж.