Баян-Өлгий аймгийн Цэнгэл сумаас орох, гарах хөдөлгөөнийг өнөөдрөөс эхлэн тодорхойгүй хугацаагаар хязгаарлалаа. Учир нь, энэ сарын 13-ны өдөр тус суманд үйл ажиллагаа явуулдаг алтны уурхайд очсон иргэнээс халдвар илэрчээ. Тэрбээр уурхайд нэг хоног ажиллаад, Улаанбаатар хот руу буцсан гэнэ. Тухайн иргэнээс аймаг руу ороход нь түргэвчилсэн оношлуураар шинжилгээ авахад хариу сөрөг гарсан гэнэ. Батлагдсан тохиолдлын ойрын болон дам хавьтал болох уурхайн ажилчдыг тусгаарлаж, шинжилгээ авч, эхний ээлжинд Цэнгэл сумаас орох, гарах хөдөлгөөнийг тодорхойгүй хугацаагаар хязгаарлах чиглэл өгсөн талаар тус аймгийн хэвлэл мэдээлэл, олон нийттэй харилцах албаны мэргэжилтэн хэллээ.

гэлээ