Гадаад улсаас ирсэн болон халдварын голомтод ажилласан зэрэг иргэдийг тусгаарлах байр болон гэрийн ажиглалтад дараах хугацаанд тусгаарлана.  

Иргэний тусгаарлан ажиглах байр, гэрийн ажиглалтад байх нийт хугацаа 14 хоног байна. Гэрийн тусгаарлалтад орсон иргэний гэр бүлийн гишүүдийг гэрийн тусгаарлалтад байх хоногоор хамт тусгаарлах юм байна.

1. Гадаад улсаас ирж байгаа коронавирусийн эсрэг вакцинд хамрагдаагүй, бүрэн тун хийлгээгүй иргэнийг тусгаарлах байранд 10 хоног, гэрийн ажиглалтад дөрөв хоног тусгаарлана.

2. Батлагдсан тохиолдлын ойрын хавьтлыг тусгаарлах байранд долоон хоног, гэрийн ажиглалтад долоо хоног тусгаарлана.

3. Халдварын голомтод бүс нутгаас ирсэн, халдварын голомтод ажилласан албан хаагч, ажилтан, иргэнийг гэрийн ажиглалтад долоон хоног тусгаарлана.

4. Халдвар бүртгэгдээгүй бүс нутагт халдварын голомтод бүс нутгаас ирж ажилласан албан хаагч, ажилтантай хамт ажилласан хүнийг долоон хоног тухайн орон нутагт нь ажиглана.