ЭМЯ-наас цаг үеийн нөхцөл байдалтай холбоотойгоор мэдээлэл хийж байна.

Сүүлийн 24 цагийн хугацаанд ХӨСҮТ, ЗӨСҮТ, НЭМҮТ, НЭМГ, УНТЭ, Сэлэнгэ, Дорноговь, Дархан, Орхон аймгийн лабораториудад нийт 13269 хүнд ПСР шинжилгээ хийхэд 108 хүнээс коронавирусийн халдвар илэрчээ. Халдвар авсан 108 хүний 105 нь Улаанбаатар хотоос илэрсэн бол хоёр нь өнгөрсөн хоёрдугаар сарын 25-ны Истанбулын тусгай үүргийн нислэг, нэг нь өнгөрсөн баасан гарагийн Нурсултаны тусгай үүргийн нислэгээр ирсэн байна. Улаанбаатарт халдвар 105 тохиолдлын 54 нь УДЭТ-тай кластер голомттой холбоотой аж. Улмаар Монгол Улсын коронавирусийн халдвар авсан нийт хүний тоо 3336 болов.

Мөн нийт 732 хүн эмчлэгдэж байгаагаас хөнгөн 659, хүндэвтэр 68, хүнд гурав, нэн хүнд хоёр хүн эмчлэгдэж байгаа талаар ХӨСҮТ-ийн Тандалт, судалгааны албаны дарга асан А.Амбасэлмаа мэдээлэв.