Эрүүл мэндийн яамнаас төв аймагт коронавирусийн дөрвөн тохиолдол батлагдсан талаар мэдээлсэн. Тэгвэл тус аймгийн онцгой комиссоос халдвар илэрсэнтэй холбоотойгоор Зуунмод суманд гуравдугаар сарын 6-11-ний 20:00 цаг хүртэл хөл хорио тогтоох шийдвэр гаргажээ. Түүнчлэн маргаашнаас Зуунмод суманд таван цэгт "Нэг өрх-нэг шинжилгээ" арга хэмжээг зохион байгуулах аж.

Мөн халдвар авсан дөрвөн иргэний ойрын хавьтал тус аймгийн Бүрэн, Жаргалант, Баянчандмань, Эрдэнэсант сумдад зорчсон тул дээрх газруудтай холбогдон чиглэл өгч, тандалт судалгааны ажил хийж байна.