Эрүүл мэндийн яам болон ХӨҮТ-өөс коронавирусийн нөхцөл бйадлын талаарх ээлжит мэдээллээ өглөө. Энэ үеэр ХӨСҮТ-ийн Халдварт өвчний тандалт судалгааны албаны дарга Ж.Байгалмаа “ХӨҮТ, ЗӨСҮТ болон орон нутгийн вирус судлалын лабораторид 21626 хүнд шинжилгээ хийхэд 67 хүнээс коронавирус илэрсэн” гэв. Үүнээс 63 нь Улаанбаатар хотод бүртгэгдсэн бол дөрөв нь Төв аймагт бүртгэгджээ. Мөн халдварын эх уурхай нь тодорхойгүй таван тохиолдлыг судалж байгаа аж. Ингэснээр улсын хэмжээнд коронавирусийн батлагдсан тохиолдлын тоо нийт 3228 болж байна. Үүнээс 78.6 хувь буюу 2539 хүн эдгэрч эмнэлгээс гарчээ. Харин сүүлийн 24 цагт 58 хүн эмчлэгдэж, эмнэлгээс гарсан байна.

Харин халдварын шинэ тохиолдлуудын 51 хүнд нэг дэх удаагийн шинжилгээгээр халдвар илэрсэн бол 11 хүнд хоёр дахь удаагийн шинжилгээгээр илэрсэн байна.