Төрийн ордонд өчигдөр коронавирусийн нэг тохиолдол батлагдаж, хэсэгчилсэн хөл хорио тогтоожээ. Тодруулбал, төрийн үйлчилгээний ажилтны шинжилгээний хариу эерэг гарч, коронавирусээр өвчилсөн нь тогтоогдсон байна. Иймд Төрийн ордны баруун жигүүрийг хэсэгчлэн хөл хорьж, тодорхой хугацаанд хүн нэвтрүүлэхгүй байхаар болжээ. Одоогоор халдвар авсан иргэний ойрын болон дам хавьтлаас шинжилгээ авч, явсан маршрутыг нь тогтоохоор ажиллаж байгаа аж.