Завхан аймгийн Шилүүстэй суманд коронавирусийн халдвар илэрч, хөл хорио тогтоожээ. Тодруулбал, өнгөрсөн сарын 27-нд Улаанбаатар хотоос тус суманд очсон хоёр иргэний шинжилгээний хариу эерэг гарсан байна. Иймд Завхан аймаг руу орох, гарах хөдөлгөөнийг түр хязгаарлаж, сургууль, цэцэрлэгийн үйл ажиллагааг гуравдугаар сарын 9 хүртэл цахимаар хичээллэх шийдвэр гаргажээ.

 

Эх сурвалжийн мэдээлж буйгаар тухайн хоёр иргэн нь Улаанбаатарт батлагдсан тохиолдлын ойрын хавьтал байсан. Нийслэлээс орон нутаг руу зорчихдоо PCR шинжилгээ өгсөн ч хариу нь сөрөг гарсан гэх мэдээллийг өгөөд буй.