Эрүүл мэндийн яамнаас коронавирусийн нөхцөл байдлын талаарх ээлжит мэдээллээ өглөө. Энэ үеэр ХӨСҮТ-ийн Халдварт өвчний тандалт, судалгааны албаны дарга Ж.байгалмаа “Монгол Улсад коронавирусийн батлагдсан толхиолдол хоёрдугаар сарын 27-ны 09:00 цагийн байдлаар 2866 болж нэмэгдсэн байна. Өнгөрсөн 24 цагт 35 хүн шинээр халдвар авсан тогтоогдсон. Эдгээр иргэн бүгд Улаанбаатар хотод бүртгэгдсэн бөгөөд 33 нь дотоодод, хоёр нь Истанбул-Улаанбаатар чиглэлийн тусгай үүргийн нислэгээр ирсэн зорчигчдын дундаас халдвар илэрсэн.

Дотоодод бүртгэгдсэн 33 тохиолдлын долоо нь “Нэг хаалга-Нэг шинжилгээ” нэгдсэн арга хэмжээнээс илэрсэн голомтын хавьтал, 25 нь өмнөх голомтын хавьтал байна.

Үлдсэн нэг иргэний халдварын эх уурхай нь тодорхойгүй байна. Одоогийн байдлаар нийт 668 иргэн эмчлэгдэж байгаагаас долоон хүний биеийн байдал хүнд, нэг хүн нэн хүнд байна. Мөн сүүлийн 24 цагт 33 хүн эдгэрч, гэртээ харьсан” гэв.