Коронавируст халдварын нөхцөл байдал болон “Нэг хаалга-Нэг шинжилгээ”-ний явцын талаар Засгийн газар болон ХӨСҮТ-өөс мэдээлэл хийж байна.

Энэ үеэр Засгийн газрын хэвлэл мэдээллийн албаны дарга Ц.Ганзориг “Нэг өрх-нэг шинжилгээ”-ний хүрээнд өчигдөр Чингэлтэй дүүргийн 19 дүгээр хорооны 22123 өрхийн нэг гишүүнийг хамруулсан. Хан-Уул дүүрэгт үлдсэн алслагдсан хороодын дөрвөн мянга орчим өрх мөн шинжилгээнд хамрагдалгүй үлдсэн. Эдгээр иргэдийг өнөөдрөөс эхлэн хоёр мянга, маргааш хоёр мянган өрхийн нэг гишүүнээс гэх зэрэг самнах байдлаар PCR шинжилгээнд хамруулах ажил үргэлжилнэ. Сүхбаатар дүүрэгт өнөөдөр 22 мянга гаруй өрхийг хамруулж, суурин 11,  явуулын 75 баг шинжилгээ авна. Хөл хорио дуусах хүртэл гурван өдөр үлдээд байна. Маргааш хамгийн их хүн амтай Баянзүрх дүүргээр шинжилгээний ажил дуусгавар болно.