Засгийн газраас “Нэг хаалга-Нэг шинжилгээ”-ний явцын талаар мэдээлэл хийж байна. Энэ үеэр ХӨСҮТ-ийн Тандалт судалгааны албаны дарга А.Амбасэлмаа “Сүүлийн 24 цагт ХӨСҮТ, ЗӨСҮТ, Улсын I, II төв эмнэлэг болон бусад салбар лабораториудад нийт 44503 иргэнд шинжилгээ хийснээс 35 хүнээс коронавирус илэрлээ. Эдгээр тохиолдол Улаанбаатар хотод бүртгэгдсэн бөгөөд долоо нь “Нэг хаалга-Нэг өрх” шинжилгээгээр, 28 нь ойрын болон дам хавьтлын хүмүүсээс халдвар илэрсэн байна.  Сүүлийн 24 цагт орон нутагт халдвар бүртгэгдээгүй” гэв. Ингэснээр коронавируст халдварын улсын хэмжээнд батлагдсан тохиолдлын тоо 2586 болж, үүнээс 1846 нь эдгэрээд байна. ХӨСҮТ, Цэргийн төв эмнэлэг болон Хан-Уул дүүргийн 300 ортой эмнэлэгт нийт 725 хүн эмчлэгдэж байгаагаас нэг хүний биеийн байдал маш хүнд байна.

Түүнчлэн "Нэг хаалга-Нэг шинжилгээ"-гээр нийт 54 тохиолдол бүртгэгджээ. Үүний 26 нь анхдагч шинжилгээгээр батлагдсан бол 28 нь эдгээр хүмүүсийн гэр бүл найз нөхөд, ойр дотны хүмүүсээс илэрсэн байна.