Их Британи Улс Оксфордын их сургуулийн “АстраЗенека” вакциныг хүүхдэд турших болсноо албан ёсоор мэдээлжээ. Эх сурвалжийн мэдээлж буйгаар туршилтыг энэ сарын сүүлээр эхлэх бөгөөд туршилтад 6-17 насны 300 орчим сайн дурынхан оролцох аж.

Уг туршилтад Оксфордын их сургууль, Лондонгийн Сент-Жоржийн их сургуулийн эмнэлэг, Саутгемптоны их сургуулийн эмнэлэг болон Хүүхдэд зориулсан Бристол хааны эмнэлгийн хяналтад байдаг хүүхдүүдээс оролцохыг уриалаад байгаа юм. Их Британийн судлаачид уг туршилтаар хүүхдэд вакцины хүчтэй хариу урвал хэрхэн нөлөөлөхийг олж тогтоохоос гадна менингит өвчнийг хянах боломжтой хэмээн үзжээ.