Их Британи Улсад коронавирусийн вакцины шинэ туршилтыг хүн дээр хийхээр болжээ. Уг туршилтад сайн дурын 18-30 насны вакцинжуулалтад хамрагдсан 90 хүн коронавирусийн халдвар авах гэнэ.

Туршилтыг Их Британийн Засгийн газрын дэргэдэх вакцины төв, Лондонгийн эзэн хааны нэрэмжит коллеж, Лондонгийн хатан хааны нэрэмжит сан болон hVIVO компани хамтран хийх аж. Туршилтад орж буй иргэдийг тусгай хяналттай орчинд тусгаарлаж, коронавирусээр халдварлуулах бөгөөд уг туршилтаар хүний дархлааны тогтолцоо болон вирусийн хариу үйлдлийг шалгах боломжтой юм.