ЭМЯ-наас цаг үеийн нөхцөл байдлын талаар мэдээлэл хийж байна.Уг мэдээллийн үеэр ХӨСҮТ-ийн Тандалт, судалгааны албаны дурга А.Амбасэлмаа “Манайд мутацид орсон вирус байхгүй. ХӨСҮТ-ийн Вирус судлалын лабораторид хэрэглэж буй оношлуур нь мутацид орсон вирусийг илрүүлэх боломжтой. Мөн Солонгос, Хятадаас оношлуур нийлүүлж буй үйлдвэрүүд мутацид орсон вирусийн шинж илэрвэл мэдэгдэнэ гэсэн албан бичгээ ирүүлсэн. Тэдний мэдээлснээр бидний хийж буй шинжилгээ 100 хувь байна гэсэн хариу ирсэн. Үүнд эргэлзэх юм байхгүй” хэмээн мэдээлсэн юм.

 Өнгөрсөн 24 цагийн хугацаанд “Нэг хаалга-Нэг шинжилгээ”-ний хүрээнд болон тусгаарлалт, ажиглалтад байсан нийт 49 хүнээс коронавирусийн халдвар илэрчээ. Улмаар улсын хэмжээнд нийт батлагдсан тохиолдол 2493 болж, үүнээс 1802 нь эдгэрсэн. 678 хүн эмчлүүлж байгаагаас маш хүнд нэг, хүнд долоон хүн байгаа юм.