ЭМЯ-наас цаг үеийн нөхцөл байдлын талаар мэдээлэл хийж байна. Өнгөрсөн 24 цагийн хугацаанд “Нэг хаалга-Нэг шинжилгээ”-ний хүрээнд болон ХӨСҮТ-д тусгаарлалт, ажиглалтад байсан нийт 49 хүнээс коронавирусийн халдвар илэрчээ. Улмаар улсын хэмжээнд нийт батлагдсан тохиолдол 2493 болж, үүнээс 1802 нь эдгэрсэн. 678 хүн эмчлүүлж байгаагаас маш хүнд нэг, хүнд долоон хүн байгаа юм.

Мэдээллийн үеэр ГХЯ-ны Консулын газрын дарга Л.Мөнхтүшиг “Тусгай үүргийн нислэгээр гадаадаас ирсэн иргэдийг 10 хоног тусгаарлана. Тусгаарлалтын 10 хоногийн хоёр дахь болон найм дахь хоногт PCR шинжилгээ авч, аюулгүй бол үлдсэн дөрөв хоногт гэрт нь тусгаарлах болсон” гэв.