Израиль Улсад олон нийтэд тарьсан коронавирусийн эсрэг "Пфизер" вакцин 94 хувийн эерэг нөлөө үзүүлжээ. "Пфизер" вакцин эмнэл зүйн туршилтын үр дүнтэй адил олон нийтэд эерэг нөлөө үзүүлээд байна.

"Пфизер" вакцин бүх насныханд болон хүнд өвчтэй хүмүүст эерэг нөлөө үзүүлсэн. Хүндээр өвчлөх магадлалтай бүлэгт сайн нөлөө үзүүлэх нь чухал байсан" хэмээн эмч Проф Хагай Левин хэлжээ.

Туршилтыг 600 мянган вакцин хийлгэсэн хүмүүс болон мөн ижил тооны вакцин хийлгээгүй хүмүүст хийжээ. Үр дүн нь халдвар тархалт 94 хувиар бага гарсан байна. Уг туршилтыг иргэдийн эрүүл мэндийн дэвтэр дээр үндэслэн коронавирусийн халдвартай болон шинж тэмдэг илэрсэн хүмүүсийн ойрын хавьталыг судалсны үр дүнд гаргасан байна.