ДЭМБ-аас өчигдөр Их Британийн Оксфордын их сургуулийн “АстраЗенека” вакциныг албан ёсоор бүртгэсэн байна. Дахин нэг вакцин бүртгэж буйгаа зарласан хэвлэлийн бага хурлын үеэр ДЭМБ-ын Ерөнхий захирал Тедрос Адханом Гебресиесус “Коронавирусийн эсрэг вакциныг олон улсад түгээхэд хэрэгцээтэй бүх шаардлага нөхцөлийг биелүүлж, вакцины үйлдвэрлэлээ ч нэмэх хэрэгтэй байгаа” хэмээн мэдэгдсэн юм.

     ДЭМБ-ын мэдээлж буйгаар Өмнөд Африкт дэгдсэн коронавирусийн мутацийн тохиолдол бүртгэгдсэн орнуудад тус вакциныг ашиглах нь зүйтэй хэмээжээ. “АстраЗенека” вакциныг -20 хэмд хадгалах боломжтой нь “Пфизер” вакцинаас илүү хадгалалт, тээвэрлэлтийн давуу тал олгож байна.