Коронавирусийн нөхцөл байдлын талаар мэдээлэл хийж байна. ХӨСҮТ-ийн Тандалт, судалгааны албаны дарга А.Амбасэлмаа “Өнгөрсөн 24 цагийн хугацаанд 58 хүний шинжилгээний хариу эерэг гарлаа. Үүний хоёр нь Нэг хаалга-нэг шинжилгээ”-нээс батлагдлаа. Үлдсэн 56 нь өмнөх батлагдсан тохиолдлын ойрын хавьтлуудын анхны болон давтан шинжилгээнээс илэрлээ. Тухайлбал, өмнөх өдрүүдэд ард иргэдийн дундаас илэрсэн дөрвөн тохиолдлын ойрын хавьтал болох таван хүний шинжилгээний хариу эерэг гарсан. Улсын хэмжээнд 2351 тохиолдол батлагдаж, үүнээс 1682 эдгэрсэн байна. Одоогийн байдлаар 621 эмчлэгдэж байгаа бөгөөд биеийн байдал маш хүнд нэг, хүнд дөрөв, хүндэвтэр 80, хөнгөн 536 хүн байгаа. Сүүлийн 24 цагийн хугацаанд 29 хүн эдгэрч, эмнэлгээс гарлаа” гэв.