Эрүүл мэндийн яам, ХӨСҮТ болон УОК-ын шуурхай штабаас цаг үеийн нөхцөл байдлын талаар мэдээлэл хийлээ. Энэ үеэр  Шуурхай штабын дарга, хурандаа Б.Ууганбаяр "Тусгаарлан ажиглах 19 цэгт 1160 хүн байна. Тусгай үүргийн онгоцоор ирсэн 496 хүнийг нийслэлд долоон тусгаарлан ажиглах байранд тусгаарлаж байна. Орон нутагт 124 иргэн тусгаарлалтад байгаа.

 

Онцгой байдлын байгууллагын 41 албан хаагч, цагдаагийн байгууллагын 81, эрүүл мэндийн байгууллагын 190 нийт 312 төрийн албан хаагч тусгаарлалтын ажилд үүрэг гүйцэтгэж байна" гэлээ