ДЭМБ-аас олон улсын шилдэг эрдэмтэн, профессоруудыг цуглуулж, коронавирусийн гарал үүслийг судлах судалгааны баг бүрдүүлсэн. Тухайн баг нь өнгөрсөн сарын 14-нд БНХАУ-ын Ухань хотод очсон бөгөөд ДЭМБ-аас Уханьд явуулж буй судалгаагаа өндөрлөж, эцсийн байдлаар судалгааны дүнг танилцуулах болсноо мэдээллээ.

      Судалгааны ажлын хүрээнд багийнхан коронавирусийн анхны тохиолдол бүртгэгдсэн Ухань хотын далайн бүтээгдэхүүний зах, халдварын эмнэлэг, вирус судлал, сарьсан багваахай судлалын хүрээлэнгээр зочилсон аж. Тус баг өнгөрсөн сарын 14-нд Ухань хотод газардахаасаа өмнө хоёр ч удаа БНХАУ руу айлчлах хүсэлт гаргасан боловч тус улсын эрх баригчдаас зөвшөөрөл олгоогүй байсан юм.