Нийслэлийн Баянгол дүүргийн 24 дүгээр хороонд орших "Алтай" хотхонд энэ сарын 5-нд коронавирусийн халдвартай хүн илэрсэн. Тодруулбал, тус хотхоны X байрны хоёрдугаар орцны нэгэн айлаас халдвар илэрчээ.

Иймд Улсын онцгой комиссоос халдвар илэрсэн орцыг хамгаалалтад авч, шинжилгээний хариу эерэг гарсан хүнийг тусгаарлаж, тандалт, судалгаа, маршрут болон хавьтагчийг тодруулах ажил хийж байсан юм. Тэгвэл тус байрны 60 гаруй хүний шинжилгээний хариу сөрөг гарсан тул  цагдаагийн хамгаалалтыг буулгасан байна.