Нийслэлийн Баянгол дүүргийн 24 дүгээр хороонд орших "Алтай" хотхонд өчигдөр коронавирусийн халдвар илэрсэн байна. Тодруулбал, тус хотхоны X байрны хоёрдугаар орцны нэгэн иргэнээс халдвар илэрчээ. Иймд Улсын онцгой комиссоос халдвар илэрсэн орцыг хамгаалалтад авч, шинжилгээний хариу эерэг гарсан хүнийг тусгаарлаж, тандалт, судалгааны ажлыг эхлүүлсэн аж. Маршрут болон хавьтагчийг тодруулах ажил үргэлжилж байгаа юм. 

Мөн нийслэлийн Мэргэжлийн хяналтын газраас тус хотхонд үйл ажиллагаа явуулдаг  "EFES" худалдааны төвд ариутгал халдваргүйжүүлэлт хийгээд байна.