Бүх нийтийг вакцинжуулах “Ковакс” хөтөлбөрийн хүрээнд ДЭМБ-аас Монгол Улсад АНУ, Германы хамтран үйлдвэрлэж буй “Пфизер” вакцины 188940 тунг энэ онд багтаан хандивлахаар төлөвлөжээ. Тус төлөвлөгөөний хүрээнд энэ оны эхний хагаст 25740 тун вакцин түгээх гэнэ.

       “Ковакс” хөтөлбөрийн холбооны гишүүн “Гави” компанийн гүйцэтгэх захирал Сет Беркли ”Ковакс” хөтөлбөрийн хүрээнд энэ онд багтааж, 2.3 тэрбум тун вакциныг улсуудад нийлүүлэхээр төлөвлөж байна. Нийт тун вакцинаас 1.8 тэрбум тунг буурай хөгжилтэй орнуудад үнэ төлбөргүйгээр түгээнэ” хэмээсэн юм.