Эрүүл мэндийн яамнаас ээлжит мэдээллээ өгч, 18 хүнээс коронавирусийн халдвар илэрсэн талаар хэлсэн. Үүний нэг нь эрүүл мэндийн ажилтан, 17 нь өмнөх батлагдсан тохиолдлын ойрын болон дам хавьтал аж. Ингэснээр улсын хэмжээнд батлагдсан тохиолдол 1832, дотоодын халдвар авсан хүний тоо 1323 боллоо. Мөн 13 хүн эдгэрч, нийт эмчлэгдсэн хүний тоо 1384 боллоо.  Харин ХӨСҮТ-ийн халдвартын клиник, Хан-Уул дүүргийн 300 ортой эмнэлэг болон Цэргийн төв эмнэлэгт нийт  448 иргэн эмчлэгдэж байна. Мөн коронавирусийн халдварын улмаас нийт дөрвөн иргэн нас баржээ. Тодруулбал, хоёр нь коронавирусийн халдварын улмаас, хоёр нь эмчлэгдэж байхдаа бусад шалтгааны улмаас нас барсан аж.